Амир Темур таваллудининг 690 йиллигига бағишланган эсдалик тангалари сотувга чиқарилди
Марказий банк Амир Темур таваллудининг 690 йиллиги муносабати билан олтин ва кумушдан тайёрланган эсдалик тангалари ҳамда сувенир тўпламларини сотувга чиқарди. Оғирлиги 31,1 грамм бўлган тангалар юқори коллексион қийматга эга бўлиб, уларнинг нархлари Марказий банк томонидан мунтазам янгиланиб борилади.
Амир Темур таваллудининг 690 йиллиги муносабати билан Ўзбекистон Республикаси Марказий банки эсдалик тангалари ва сувенир тўпламлари савдосини йўлга қўйди.
Сотувга буюк саркарда сиймоси тасвирланган, оғирлиги 31,1 грамм бўлган икки хил дизайндаги эсдалик тангалари ҳамда ҳар бири 31,1 граммдан иборат уч доналик сувенир тўпламлари чиқарилган.
Тангалар 999,9 асилликдаги олтин ва кумушдан тайёрланган бўлиб, улар юқори бадиий ва коллексион қийматга эга.
Тангалар нархлари ҳамда уларнинг банклардаги мавжудлиги ҳақидаги янгиланган маълумотлар Марказий банкнинг расмий веб-сайти ва ижтимоий тармоқлари орқали ҳар куни эълон қилиб борилади.
10 апрель ҳолатига уларнинг нархлари:
Оғирлиги | Сотиш нархи | Қайтариб сотиб олиш нархи |
31,1 гр (олтин) | 61 145 000 сўм | 57 069 000 сўм |
31,1 гр (кумуш) | 1 811 000 сўм | 888 000 сўм |
