5 граммлик олтин қуйма нархи илк бор 6,7 млн сўмдан ошди
1 грамм олтин қуймаси ҳозирда 1 млн 342 минг 530 сўмга баҳоланмоқда.
Ўзбекистонда олтин нархлари кўтарилишда давом этмоқда. Марказий банк маълумотига кўра, 5 граммлик олтин қуймаси нархи илк бор 6,7 млн сўмдан ошди. Бу нархларнинг кетма-кет рекордни янгилашидир. Аввалроқ, 1 апрель куни 5 граммлик қуйма илк бор 6,6 млн сўмдан ошган эди.
Тўлиқ нархлар:
- 5 грамм — 6 млн 713 минг сўм
- 10 грамм — 13 млн 425 минг сўм
- 20 грамм — 26 млн 851 минг сўм
- 50 грамм — 67 млн 127 минг сўм
- 100 грамм — 134 млн 253 минг сўм
Ўзбекистонда Марказий банк томонидан 999,9 софликдаги олтиндан 5, 10, 20, 50 ва 100 граммли қуймалар сотувга чиқарилган ва қуймалар нархини регулятор ҳар куни янгилаб боради.
Олтин қуймаларини банклардан сотиб олиш имконияти мавжуд. Банкларнинг манзиллари ва батафсил маълумотларни Марказий банк расмий сайтидан топиш мумкин.
Жаҳон бозорида олтин нархи
Биржаларда олтин нархи илк маротаба троя унция учун $3 150 га етди. Айни пайтда эса олтин нархи бироз пасайган бўлиб, $3 120 атрофида савдо қилинмоқда.
Олтин нархи бўцича енг юқори прогнозни Macquarie Group тақдим этган бўлиб, унинг тахминига кўра, 2025 йилнинг учинчи чорагида олтин нархи $3,500 га етиши мумкин.
Швейсариянинг етакчи инвестицион банкларидан бири бўлган UBS эса 2025 йилда олтин $3,200 дан юқорига кўтарилиши мумкинлигини таъкидламоқда.
Мавзуга доир: Прогноз: 2025 йилда олтин нархи қанчагача кўтарилиши мумкин?
